، مًنتديـٍـآتَ سًوْآلفٍ بًنـآتٍ ،
center][/center]
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي




 
الرئيسيةالتسجيلدخول

شاطر | 
 

 ـآلفرق بين العيآل الهآي هآي والفرق بين العيآل العآيدييين ,,

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
بيرو
°•(عضوهـ نشيطهـ)•°
°•(عضوهـ نشيطهـ)•°


الجًنسسٍ ، : انثى
ععًدد المسسٍآهمًـآتٍ ، : 74
ععًدد التقييٍم ، : 4

مُساهمةموضوع: ـآلفرق بين العيآل الهآي هآي والفرق بين العيآل العآيدييين ,,   الخميس مارس 17, 2011 10:40 am

سلااام هذي واقعة الحياه واتمنى تعجبكم واذا قريتوها لاتنسوون الردود

أولاد الناس الهاااااي

أولاً /

في الصباح حيث يبدأ يوم أطفال الهاي عندما يستيقظ الطفل على صوت الكناري اللي بغرفته بعدها يتوجه للحمام يأخذ دش ويفرش أسنانه ويطلع من الحمام تستقبله المربية بالمنشفة وتصبح عليه يروح يغير ملابسه ويأخذ شنطته وينزل لغرفة الطعام ويصبح على أمه وأبوه واحلىىىى بوسه يأخذها منهم ويفطر ذاك الفطور طبعا عبارة عن كرون فلكس أبو الديك وبيضه وحده بس!! وكاس عصير وشويت زبده مع العسل على خبزه ما عمري شفتها.

بعدين يقوم يغسل فمه ويودع الماما والبابا ويتوجه للسياره يلقى قدامه السواق مبتسم ويفتح له الباب ويوديه لمدرسته الخاصة( أم الدراهم) >>>>>>>

--------------------------------------------------------------------------------

أولاد الناس العايديين

--------------------------------------------------------------------------------


الولد يقوم الصبح بعد ما يطلع عين أهله ولازم أفراد العائلة تمر عليه

عشان تصحيه وكل واحد وطريقته :

الأب: قم جعلك الهزل

الأم: قم جعلك الجدري

الأخ: والله إذا ما تقوم لا أفقع وجهك

أخته: < تسوي نفسها بتدلعه> يالله قوم وأعطيك شنطة أخوك تروح فيها للمدرسه < ما درت انه يروح بسير لزاق >>
بعد ما يقوم يمر الحمام على السريع ويغسل وجه شطف هذا إذا راح وبعدين يأخذ اقرب كتب عنده ويربطها ويجيك مدحدر يدور الفطور ويتفاجأ انهم ما حطوه؟؟ هههههههههه

بعد ما يجي الفطور وهو كالعاده : فول شكشوكه تميس + حليب أبو علم يبدأ الولد بالأكل وشوي إلا وهو حاذف أخوه بعلبة الهندسة؟؟؟ هههههه

عشانه سحب صحن الفول من عنده < مسكين ما يطوله> وشوي إلا وهو مسدد بقس عنيف يمشي 200 لأخوه الثاني!! لأنه سرق فسحته؟؟

أبوه يتكلم معه يا ورع أركد وافطر وعين خير انت وش بلاك وراك مدرسه يرد الولد عليه: انت ما تشوف سعيدان سارق فسحتي؟؟

< سعيدان اكبر سروق بالبيت >> ابوه على طول يصدق ويصـــــــك سعيدان كف صدقي المهم بعد ما يخلص الفلم اليومي يروح الولد للسياره يلقى اخوه فاتح الكبوت ويصب ماء للرديتر المشقوق تقفل أخلاق الورع وينقز للشارع ويأشر لأقرب سياره ويروح للمدرسه



--------------------------------------------------------------------------------

أولاد الناس الهاااااي

--------------------------------------------------------------------------------


ثانيا ً/

بعد المدرسة يرجع أطفال الهاي ويلقى المربية في استقباله تأخذ الشنطه وتوديها لغرفته بصحبته يغير ملابسه ويغسل وجهه ورجليه

ويستريح له ساعة في انتظار أفراد العائلة عشان يتغدى وبعد الغداء الرايق < طبعا ما اعرف وشو بس اللي اعرفه انهم يأكلونه بشوكه وسكين >>

يروح لغرفة الجلوس ويشرب شاهي للتهضيم ويحلي بقطعة كيك وبعدين يروح لغرفته ينام له ساعة قبل العصر.
--------------------------------------------------------------------------------

أولاد الناس العايديين

--------------------------------------------------------------------------------


إما الولد منهم يجي من المدرسة وثوبه قالب لونه بني< تقول جدار مدرسه >>

ولا دخل البيت حذف الشنطه < آسف السير اللزاق>>بالصالة وفصخ ثوبه ووينك يالشارع < أخوياه يحترونه>> وهاتك ياللعب كوره بذا القايله وعادي الشارع مولع من الحراره وهم عادي مررره ولا كأنه فيه شيء واهله ما يدرون ؟؟

في هذه الأثناء يرسل أبوه كتيبه من إخوانه للبحث عنه ولا لقوه وجابوه للبيت قام يصيح طقوني وسحبوني قدام الناس < والله ما أحد لمسه النصاب>> المهم يحطون الغداء < معروف يا كبسة لحم ولا كبسة دجاج >> غيره ما فيه!! يتغدى الولد الكريم ويصــــــــــــــك بعدها لــــــــــتر لبن لين يدووووخ بعدها يجلس ساعة فاتح فمه < تحاول تسكر بفمه أنسى >> يحتري من يوديه يغسل له يديه!!!!؟؟؟ هههههههههههه


--------------------------------------------------------------------------------

أولاد الناس الهاااااي

--------------------------------------------------------------------------------


ثالثاً /

أطفال الهااااااي لا جاء العصر جابوا دروسهم وشافوا وش عليهم من واجبات وحلوها وحضروا دروس بكره بمساعدة الماما والبابا.

بعدها يروح لغرفة الألعاب ويجلس على البلاي ستيشن 2 وخذ لعب لمدة ساعتين تقريبا يعني إلى وقت ما بين المغرب والعشاء.

بعدها تطلبه أمه مع بقية إخوانه عشان يجتمعون ويشربون العصير ويسولفون سواليف مررررررررررره حلوه < اسألوني >>!!!!!! ؟؟؟؟؟

--------------------------------------------------------------------------------

أولاد الناس العايدييين

--------------------------------------------------------------------------------


يجي وقت العصر وهو نايم < مفعول اللبن >> يقوم قبل المغرب ويأخذ دروسه وواجباته < وأقلامه ناسيها في درج الطاولة اللي بالمدرسة>>
ويروح عند أخته ويتحايل عليها بكل ما أوتي من قوه على شان تحل له الواجبات وإذا قالت لا يا ويلها يا سواد ليلها .

بعد كذا أنواع الدجه مع أولاد الحارة ومن هم على شاكلته ما يخلون هندي إلا وسرقوا سيكله ولا دكان < حلوه دكان >> إلا ولعبوا بحسبته ولا رجع البيت < على الساعة 11 تقريبا >> تلقى رأسه مفلق من جميع الاتجاهات والشرطه تدوره وجارهم مسوي أعلان عليه مطلوب حي أو ميت!! وخذلك عاد < مساكين اهله >>


--------------------------------------------------------------------------------


أولاد الناس الهاااااي

--------------------------------------------------------------------------------


رابعاً /

أطفال الهاي بعد ما يتعشى ويمسي على أهله يروح لغرفته ويجلس على النت ساعة أو ساعتين إلى موعد نومه < الساعة 10 تقريبا >> بعدها يغير ملابسه وتجي المربية وتحكي له قصه اللين ينام تغطيه وتطفي النور.


--------------------------------------------------------------------------------

أولاد الناس العايديين

--------------------------------------------------------------------------------


لا رجع البيت< الساعة 11>> ما يدخل مع الباب لا ينط من فوق السور على شان أبوه ما يمسكه .

وعلى طول يزبن لغرفته ويسكر الباب ويطفي النور ويطل من الدريشه < الشباك يعني >> على باب الشارع الرئيسي يشوف وش صار على مسلسل المشاكل المكسيكي اللي جابها معه للبيت وكيف بيحلها أبوه مع الناس ومع جارهم ومع الشرطه.< يــبي يقيم أبوه أبو الشباب >>

وفي أثناء ذلك يستغل الفرصة ويدز للمطبخ ويأخذ منه اي جبن كاسات او <جبنة البقره الضاحكه >> وخبز ويرجع لووووووووووكره < آسف غرفته> ويقفل باب الغرفه>> ويتعشى من ذا الجبن والخبز الين يدوخ <على الساعة 3

وما يفرش أسنانه بعد هههههههههههه لا وأزيدكم من الشعر بيت ما ينام إلا وهو متلطم!!!؟؟؟ (على باله مراقب) ..


وبهذا يكون قد أنتهى اليوم عند أولاد الناس الهاي هاي و أولاد الناس العايديين

الله يجعلنا مع عيال الناس الهاااااااااااااااي هاااااااااااااااااي
وأترك لكم الحكم

وتقبلوا تحياتي

اكيد اعجبتكم الله الله بالردود
الرجوع الى أعلى الصفحة اذهب الى الأسفل
هكروك ياقلبي
°•(عضوهـ جديدهـ)•°
°•(عضوهـ جديدهـ)•°


الجًنسسٍ ، : انثى
ععًدد المسسٍآهمًـآتٍ ، : 25
ععًدد التقييٍم ، : 0

مُساهمةموضوع: رد: ـآلفرق بين العيآل الهآي هآي والفرق بين العيآل العآيدييين ,,   الجمعة مارس 18, 2011 2:56 pm

وايد حلوة تسلمين
الرجوع الى أعلى الصفحة اذهب الى الأسفل
أسيرة%الشوق
°•(كبار الشخصيه)•°
°•(كبار الشخصيه)•°


الجًنسسٍ ، : انثى
ععًدد المسسٍآهمًـآتٍ ، : 769
ععًدد التقييٍم ، : 3

مُساهمةموضوع: رد: ـآلفرق بين العيآل الهآي هآي والفرق بين العيآل العآيدييين ,,   السبت مارس 19, 2011 7:10 am

هههههههههههههههههه الله يعطيك العااااافيه يا الغلا
الرجوع الى أعلى الصفحة اذهب الى الأسفل
هيما
°•(عضوهـ فعآلهـ)•°
°•(عضوهـ فعآلهـ)•°


الجًنسسٍ ، : انثى
ععًدد المسسٍآهمًـآتٍ ، : 158
ععًدد التقييٍم ، : 0

مُساهمةموضوع: رد: ـآلفرق بين العيآل الهآي هآي والفرق بين العيآل العآيدييين ,,   السبت مارس 19, 2011 1:13 pm

مظيزط والله كل حرف
الرجوع الى أعلى الصفحة اذهب الى الأسفل
 
ـآلفرق بين العيآل الهآي هآي والفرق بين العيآل العآيدييين ,,
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
، مًنتديـٍـآتَ سًوْآلفٍ بًنـآتٍ ، :: °•(العــالـــم..الــتــرفــيــهــي)•° :: ||¬ ,. الصرٍقـعه والترفيه .,» •-
انتقل الى: